Dal i Fod - Cerddi Elin Ap Hywel by Elin Ap Hywel

Dal i Fod - Cerddi Elin Ap Hywel by Elin Ap Hywel

A volume of poetry by a female international poet whose work has been translated into numerous languages. Elin ap Hywel is a well-known poet and this volume comprises all her poems in the Welsh language. They reflect themes of history, family and personal experiences in a style that encompasses the lyrical, provocative and ironic. -- Cyngor Llyfrau Cymru

Ydyn ni wedi cyrraedd pwynt mewn llenyddiaeth Gymraeg lle gallwn ni ddisgrifio llyfr fel llyfr ‘ffeminyddol’ heb fod hwnnw’n derm dilornus, term y gallwn ei ddefnyddio, nid i roi bardd mewn bocs cyfyng, ond yn hytrach i ddisgrifio’r ffordd mae’n edrych ar y byd – yn fan cychwyn, nid yn llinell derfyn? Cyfrol ffeminyddol yw cyfrol Elin ap Hywel, yn ddigwestiwnMae hi’n gyfrol sy’n diorseddu a datganoli ffigwr y gwryw fel y safbwynt niwtral neu normal, a hynny’n gwbl fwriadol. Mae’r gerdd agoriadol, ‘Pwy oedd chwiorydd Heledd?’, a ymddangosodd yn wreiddiol yn rhifyn chwyldroadol 1986 o gyfnodolyn Y Traethodydd, yn ddatganiad diamwys o fwriad. Y mae hi’n un o sawl cerdd yn y gyfrol sy’n ailddychmygu chwedlau Cymreig o safbwynt y cymeriadau benywaidd; cymeriadau a wnaed yn fud yn y fersiynau cyfarwydd. Dyma Flodeuwedd, ar ffurf tylluan sydd wedi ‘dechrau ymgynefino / ag adareiddrwydd’, neu Rhiannon, sy’n dianc rhag ffiniau’r stori ac o’r llun y mae rhywun wedi ceisio ei dynnu ohoni, gan gerdded ‘allan o’r darlun, yn syth i lygad yr haul’. Wrth adrodd stori o safbwynt gwahanol, mae’r stori ei hun yn newid, hyd yn oed os yw’r digwyddiadau yn aros yr un peth. Beth sy’n digwydd pan fydd traddodiad yn cael ei herio? Dychmygwyd na allai Cymru a’r Gymraeg fodoli heb y sefydliadau a’r traddodiadau a’i cynhaliai, a dyma wreiddyn yr ofn yn wyneb unrhyw achos, fel ffeminyddiaeth, a heriai werthoedd y sefydliadau hynny. Ond yn y gerdd agoriadol, mae Elin ap Hywel yn mynd â ni i dir neb byd heb bileri: Diffoddwyd aelwyd gwarineb. Pa le mae pileri cymdeithas, cynefin a châr? Heno, gwallgofrwydd sy’n gysefin … Mae Elin ap Hywel yn mentro dychmygu dyfodol yr ochr draw i’r sefydliad, y tu hwnt i draddodiad. Mae’n ein gwadd i ystyried hanes o safbwynt nad yw’n canoli’r profiad gwrywaidd, ac o wneud hynny nid yw’r tir neb hwn mor ofnadwy ag a ddychmygem i ddechrau. Down i sylweddoli, efallai, nad oedd y sefydliadau hynny mor anhepgor wedi’r cyfan. A pha sawl Heledd fu’n crwydro lonydd cefn hanes Cymru a’u cywilydd yn glynu fel gelen wrth eu cydwybod nes camu tu hwnt i’r ffin sy’n beryclach na’r llinell ar fap rhwng Cymro a Sais? Mae yna obaith yng ngherddi Elin ap Hywel, am Gymru lai ofnus, am Gymreictod llai bregus, ac am bethau sy’n cael eu torri, ac o’u trwsio, eu gwneud yn bethau gwell. -- Elan Grug Muse @ www.gwales.com

Mae Elin ap Hywel yn byw Llanilar ger Aberystwyth. Daw'n wreiddiol o Fae Colwyn a treuliodd gyfnodau'n byw yn Llundain, Ynysoedd Aran, Wrecsam, Caerdydd ac Aberystwyth. Bu’n gyfieithydd i’r Amgueddfa Genedlaethol yng Nghaerdydd ac i’r Academi Gymreig cyn mynd yn gyfieithydd llawrydd. Treuliodd gyfnod hefyd fel golygydd gyda Gwasg Honno. Cyhoeddwyd ei chyfrol gyntaf o gerddi, Pethau Brau (Y Lolfa), yn 1982.

SKU	Unavailable
ISBN 13	9781911584360
ISBN 10	1911584367
Title	Dal i Fod - Cerddi Elin Ap Hywel
Author	Elin Ap Hywel
Condition	Unavailable
Binding Type	Hardback
Publisher	Cyhoeddiadau Barddas
Year published	2020-05-21
Number of pages	104
Cover note	Book picture is for illustrative purposes only, actual binding, cover or edition may vary.